SI 'NNI RESTA !....di Giardina Giovanni

Io’  mi  curcu  ‘nta  stu  liettu

cu  Gesu’  vigghia  lu  piettu

corpu  dormi  e  l’alma  vigghia

veni  Gesu  e  si  la  pigghia.

L’operaiu,   s’arripigghia

veni  Monti  e si li pigghia

E  p’arriggittari  i  cunti

i  negozi  fannu  i  scunti

‘Un  ci  iri  pa  pinsioni

va  misurati  a  prissioni

Ca  saluti  va  cchiu’  mali

sta  chiudennu  lu  spitali

‘Un po’ fari  mancu a figghia

un  c’e’  nuddu  ca  ta  pigghia

U  parrinu  gia’  ‘nnu  dissi

‘un  si  cantanu  cchiu’  missi

Di  la  banca  ‘un  ti  fidari

puru  u  culu  ci  po’  dari

Passa  u  tiempu  e  si  dispera

cu  u  travagghiu  ancora  spera

E  pi  nun  canciari  a prassi

u  comuni  aumenta  i  tassi

Pu  ‘nni  fari  cchiu’ viaggiari

pronti  i mezzi  pi  tagghiari

‘Un  pinsamu  sempri  mali

sta  arrivannu  lu  Natali

Pi  regali  sunnu  duogghi

senza  sordi  t’arricuogghi

‘Un  finisci  lu  malannu

dopu  veni  capu d’annu

cu  l’iniziu  i  l’annu  nuovu

si  ‘nni  resta…pu  rinnuovu.