Giovanni Giardina: Poesia dedicata a Carmelo Travia

                                    Carmelu   divintò ormai  n’artista

                                     sona  cu pianu  e a  tutti  teni  testa

                                     i tasti  i zumpa  i gira e i furrìa,

                                    ‘nfinu ca nesci musica  e  poesia.

                                     Mi ricuordu quannu ancòra  era  carùsu

                                    ‘nta strata si vidìa puocu , stava   chiusu

                                     smarràva  cu l’organu du Ziu,  dintra a Criesa

                                     ma cumu spassu ,senza  mai pretesa.

                                     Ormai u sapìmu : Cu veni  da  cavetta,

                                     o prima  o dopu  u  mieritu  l’aspetta

                                     spesci  si c’è  u talentu  e  c’è  a  bravùra

                                     dopu tantu jttàri u sangu…...arriva   l’ura.

                                     Ah! Si viditi a Carmelu cu ddi mani !                                    

                                     A Roma  ‘mpressionò  puru  e Taviani,

                                     scrivi musica pi film, colonni sonòri

                                     e cu l’amicu Giulianu  cogghi  allòri.

                                               

                                               Quannu fu premiatu…..

                                     A cammisa ‘un ci tuccàva i spaddi

                                     ancòra  si vidunu i sudùri  sutta  e sciddi,

                                     ma chistu è sulu l’iniziu   nun  è nenti,

                                     ancòra  farà  parlàri   tanta  genti.

                                     U Sinnacu apprufittannu du mumentu

                                     ci vosi  dari  riconoscimentu,

                                     l’eolianu  pi  sti  cuosi ‘un’àvi  testa

                                     ma quannu  è  paisànu  fasci  festa.

                                     Ma ‘unni scurdàmu  mai  i ccu nni fisci !

                                     ca  sunnu  i  primi  a fari i sacrifisci.

                                     Si unu nasci  ca passioni  di sonàri

                                     si vidi ca i cacchi d’unu  eppi  a pigghiari ?

                                     Sona Carmelu sona e fatti onori !

                                    ‘un ti fermàri e cuogghi sempri allori,

                                     ma ‘un ti scurdari mai unni nascisti

                                     o puramenti  unn’è  chi ti criscisti.

                                     Pensa  ca lassasti  cca  na  bedda  rosa

                                     ca  di stu  munnu  è a cchiù bella cosa

                                     e cchiù  a piensi e cchiù uardi dda  rosa,

                                     to  Patri, cchiù ti uarda e cchiù e arriposa .

                                                   Lipari -01-09-2012-