Cerca nel blog

lunedì 12 dicembre 2011

U PRANZU I NATALI (Poesia di Santino Ruggera)

Tra pocu cchiù i deci iorna
c’è u natali chi ritorna.
Ogni casa si pripara
pi la festa che cchiù cara
cu  prisepi chi pasturi
e l’arbiru chi palli d’ogni culuri.
Natalizia è già  l’aria
ma se pienzu a finanziaria
da faccia mia all’improvvisu
mi scumpari stu sorrisu.
Ma chi puozzu immaginari
pi l’ormai  prossimu Natali
quannu insiemi e familiari
simu  ‘n tavula a manciari.
Se taliamu i dinari
c’è sulu un menù i priparari.
P’antipastu anciuovi salati
cu du alivi accumpagnati.
Cumi primu pasta agghiu e uogghiu
e guai a cu dici ‘un nni vuogghiu.
Pi sicunnu sauri arrustuti
cu samurigghiu di supa cunzati.
E pi contornu du fila i rapuddi
cu ‘nto mienzu finuocchiu e cipuddi. 
Pi brindari acqua gassata
e cumi durci na crustata.
E sutta l’albiru  vidiennu l’andazzu
pi regalu ‘mmaginu sulu stu c…u
(Santino Ruggera)

Nessun commento:

Posta un commento

Nota. Solo i membri di questo blog possono postare un commento.