San Giuseppi ! (di Giovanni Giardina)

Direttore,  nel  formulare  i  migliori  auguri  a  tutti  i  Giuseppe , allego  una  poesia  che  ho  dedicata  a  San Giuseppe  e  che  verra’  recitata  durante  la  messa  di cerimonia , nella  stessa  Chiesa. Auguri  a  tutti !  Giovanni  Giardina 

SAN  GIUSEPPI !  19 – 03 – 2012 -

  Oggi  arrivo’  u  iuornu  i  San  Giuseppi

  trasi’u ‘nta  criesa  e  teniri  ‘un mi seppi

  isaiu  l’uocchi   e  chinu  di  rispiettu,

  sintiu  cumu  na’  fitta  intra  stu  piettu.

 Vardava  cumu   un  patri  s’arriddusci

 purtannu  sempri, tutti  i  iorna  a  Crusci

 n’ta manu   tieni  sempri  ssu’  vastuni,

 e  u  Figghiu  n’cuoddu,  mai  l’ abbannuni.

 Ormai  ca  sugnu  cca’,  fammi   pruvari !

 Ti  vuogghiu  sulu  fari  arripusari

 proimela  a  mmi,  ‘un  puocu  ssa’  Criatura !

 rinfriscatela  ‘a  spadda …..ammenu  n’ura !

 U fazzu  cu  tuttu  u  cori  ,’ un  ciercu  nenti,

si  Tu  ma  duni  a  mmi’,…  restu   cuntenti ;

io’ puru  sugnu  patri…….sugnu    imparatu

ma  vuogghiu  sulu  teniri  o  me  latu .

 Puru  chist’annu,  Ti  fannu’  i  quadari  !

 ammenu  i  poviri  hannu  i  chi  manciari !

 Cumu  su  belli  chisti   tradizioni !

 Piatti  i  minestra   e   benedizioni.

 Mentri  scrivi’a  stu  fuogghiu,  a  pinna  mi  lasso’

e  pi  lacrimi  all’uocchi,  a  carta  si  vagno’.

Ora  mi  fazzu  u  signu  di  la  Crusci,    

 chiddu  c’ancora  manca,  Tu  dicu  a  vusci :

“Io’  vinni   cca’,  pi   dariti  n’aiutu 

 pirchi’  a  fedi  mia,  ‘un  l’haiu  pirdutu “ !

 Giovanni  Giardina