Auguri a tutti! (poesia con audio di Giovanni Giardina)

                                        Auguri  a  tutti  quanti  i  paisani

                                        a  tutti  chiddi  ca  sunnu  luntani

                                        Auguri  a  tutti  quanti  i  benestanti

                                        e a tutti  chiddi  ca ‘un’hannu  nenti.

                                       Auguri a tutti chiddi ca sunnu   malati

                                       dutturi, ‘nfermieri , ca  fannu  i nuttati

                                       Auguri  a tutti  quanti  li  parrini

                                       ca  su  cuntenti, c’hannu i criesi  chini.

                                       Auguri  ca  buttigghia  di  spumanti

                                       a  tutti  i  militari  e  ai  naviganti

                                       Auguri  a  quanti  fannu  sacrifici 

                                       e a ccu  ci appizza a vita  pi la pasci. 

                                       Auguri  a  tutti  quanti  li  furnari

                                       ca  sempri  pani  friscu  fannu  manciari

                                       Auguri  a tutti chiddi  senza  famigghia

                                       c’on  sannu  cu ccu  rapiri  a buttigghia.

                                       Auguri  o  riccu,  ca  sempri   sordi  cunta

                                       e o poviru  ca  uarda  u suli  d’unni  spunta

                                       S’è  veru  ca  sta  crisi  annichilisci 

                                       c’è  cu  apprufitta  e  ancora  s’arricchisci.

                                       E  ‘un  nni  scurdamu  di  parlamentari

                                       ca  sunnu  stanchi  e  s’hannu  a  ripusari

                                       fascimucci   nu’  brindisi  cu  vinu

                                       c’arriggittaru  i  cunti  e  puru  u  schinu!

                                      ‘Nto  ringraziari  a  Diu  puru  pi  st’annu

                                       vi  fazzu  l’auguri  di :…..BUON  ANNU !  

A seguire l'audio della poesia dalla voce di Giovanni Giardina (cliccare sul play)