Cerca nel blog

domenica 20 maggio 2012

I ricordi du zu Tanu ! di Giovanni Giardina 16-05-2012


I ricordi du zu Tanu !         di Giovanni Giardina  16-05-2012-
    
Ricuordu  i proverbi du zu Tanu !
Ogni malannu annichilisci, c’e’ cu e’ ca s’arricchisci !.
Cu havi dinari campa felisci, cu havi diebiti, perdi l’amici .
Amara a piecura c’hvi a dari a lana..
Ci dissi u voi o mulu, simu nati pi dari u culu. ecc…ecc…!.
‘Un’eranu  studi  fatti dalla scienza
eranu fruttu  di anni  d’esperienza
si tramandavanu sempri di patri in figghiu,
ca poi sirvianu ‘nta vita cumu  cusigghiu.
Ahhhh!!!Sempri  ssi babbari’ iti cuntannu ?
I tiempi su moderni vannu canciannu,
oggi simu tutti quasi   diplomati !
ormai, cu ci cridi cchiu’ a ssi minchiati !
E gia’! Cumu  u sig. Monti, ch’e’ prufissuri !
Dui su i cuisi:
1) O si scurdo’ u  passatu 
2) O puru, fami ‘nta vita sua, ‘unn’ha mai  pruvatu,
Apposta, ‘un havi   pieta’ du disgraziatu.
O cumu l’autru….u prufissuri  Prodi :
Va ricurdati cchiu’ dda  bedda  lira?
Ca dopu  chi cummattu’ cu gran  valori,
ci livo’ a  nazionalita’, a  dignita’ puru l’onori..
Nni missi l’euru , appostu di la  lira
e cu n’euru ,‘un s’accatta cchiu’,mancu na pira,
ca  lira, si fascia  a spisa  e nni  ristava
e c’un  ticchiu di  pinsioni  si campava .
Unni su , prufissura, duttura ,o l’ avvocatu,
anutili ca vu cuntu……… ci  hatu   statu !
s’ha sordi ‘nta sacchetta, hannu a ricetta,
s’onn’ha, ti ritrovi cu na balata ‘nta cuccetta.
Pero’ u sig.Monti, pi siciliani havi  rispiettu,
pi chistu s’imparo’ prestu  u dialettu,
a tassa supa a casa  a chiamo’.. IMU
spirannu ca cchiu’ prestu, ni nni  IMU !
E vuliti ca mi scuordu  du zu Tanu ?
(un’era  un  prufissuri, era un viddanu)
Discia : “Ca quannu  scappa  lu scitruolu…
              ci vasci  sempri ‘nculu  all’urtulanu!”

Nessun commento:

Posta un commento

Nota. Solo i membri di questo blog possono postare un commento.