Focu d'estati (di Salvatore Equizzi da "La Civata" raccolta postuma)

F O C U   D ' E S T A T I . - . -
Sutta la vampa di lu suli ardenti,
cripìa la terrra, e tutta la natura,
cu l'occhi stralunati pi l'arsura,
pari ca cchiù nun vidi e cchiù nun senti.
L'aria 'nfucata trimulìa, si senti
'nsinu nni l'ossa l'anfa e la calura,
sulu quarchi cicala 'un si nni cura
e pari ca facissi strudimenti.
Iu 'nni stu 'nfernu vivu senza vita,
comu un dannatu tiru cu li denti
lu pisanti carrettu di la vita.
E 'nmenzu a tantu focu e tanta luci,
moru e arrivisciu tutti li mumenti,
comu lu Nazzarenu misu 'ncruci.