"I babblasci e i crastuna" di Giovanni Giardina

C’è genti ca pi sti cuosi vasci pazza 
speci si sunnu frischi ca schumazza, 
prima di cucinàri , s’annu a spurgàri ,
cu l’ogghiu e a pumamura s’annu a fari !

Però ‘un si nni trovanu ‘nta stati , 
s’on chiovi stannu sempri vurricàti,
ma oggi, grazii a Diu, simu attrezzati,
i vinninu cu tuttu u velu, già spurgàti.

‘Nta stu paisi ormai è tradizioni , 
a stissa, tali e quali all’elezioni !!
Prima ‘un si vidi nuddu, nuddu si movi,
poi nescinu tutti fora quannu chiovi !!

Pi falli arrivari i fora, ci sù i cumpàri ,
st’usanza ormai ‘un’è ca pò canciàri.
arrivanu chi babbalasci, puru i crastùna ,
ma sunnu d’allevamentu, servi i patrùna.
Arrivanu sulu all’ura di vutàri,
‘un sannu cumu nn’annu a ‘mpapucchiari
fannu forza i prumisssi , fannu schumazza,
ma poi nni lassanu sempri ‘nta munnizza !
.
Vi raccumannu a tutti amici cari :
Uardàti a robba prima d’accattàri !
Si sunnu crastùna i fora ,stati accura…. 
ca ci ppizzati, ogghiu e pumamura ! 

N.B. In dialetto Eoliano vengono comunemente chiamate “Babbalasci e Crastuna” le chiocciole.( Helix)