Cerca nel blog

martedì 16 aprile 2013

Sidisci Aprili '78 ( di Giovanni Giardina 1982)


                                             ‘Un  mi  ricuordu,  si  fu  aieri  od  oggi,
                                             e  invesci  su  passati  già  tant’anni
                                             u  silenziu  era  cumpagnu  da  nuttata,
                                             Madonna  si  ci  piensu!…...chi  paura  !

                                             Un  forti  vientu  spintu  da  un  boatu,
                                             fisci  trimàri  unni  sugnu  natu,
                                             e  dopu  aviri  a  tutti  risbigghiatu,
                                             si  sintù  vusciari…..  “ U  tirrimuotu “

                                             A  genti  rivirsata  ‘nta  li  strati,
                                             si  ricurdàru  di  lu  forti  scantu,
                                             ca  u  mastru  ca  ci  poti  è  sulu  unu,
                                             si  rivulgieru  a  lu  Santu  Patrunu.

                                             S. Meu ,  S. Meu,  nun  su  minzuogni  chista  è  viritati,           
                                             si  Tu  u  patruni  i  tutta  la  citati
                                             nun  spargiri  perciò  tantu  duluri,
                                             S.  Meu,  S.  Meu,  cu  l’uocchi  i  fora  è ancora  sta  criatura,
                                             strincila  forti,  forti  ‘nte  to  vrazza,
                                             e fa  tascìri  la  matri  natura.

                                             Iò  nun  chianciu  pi  la  stritta
                                             di  la  to  manu  tantu  biniditta,
                                             invesci  soffru  e  mi  turmientu
                                             ca ti  pinsaru  sulu  ‘nta  ddu  mumientu.

                                             A  genti  sulu  allura  ricurdàru 
                                             ca  u  Mastru  avìa  bisognu  d’un  purtuni,
                                             tavuli  marci  e  chiova  arrugginuti,
                                             Ti  suppurtasti  pi  tanti  staggiuni.

                                             Ma  un  ghiornu  finalmenti  fu  pusata 
                                             na  porta  tutta  i  bronzu  arricamata,
                                             pi  nun  avìri  fattu  mancu  un muortu,
                                             dda  notti   sidisci  Aprili  settant’ottu.
                                             S.  Meu,  S.  Meu ………………..                       
.
La  seguente  canzone  porta  in  risalto  l’ipocrisia  della  gente,  che  è  abituata  a  ricordarsi  dell’amico,  solo  quuando  ne  ha  bisogno.  Giovanni Giardina

Nessun commento:

Posta un commento

Nota. Solo i membri di questo blog possono postare un commento.