Cerca nel blog

sabato 2 marzo 2013

Mentri u miedicu studia , u malatu si nni va !


                               Dutturi,  u sceccu mia sta mali ‘un voli caminari !
                               Tu scerca di nù  sfurzàri, e fallu  arripusari !

                              Dutturi, u sceccu mia si sforza , ma a tratti nun mi ragghia !
                             ‘Un’è nenti di gravi , prova a canciari a pagghia !

                              Dutturi, u sceccu mia si sforza , ma ‘un ci attisa !
                              Aiutalu cu viagra, quannu ci puorti a spisa !

                              Dutturi, u sceccu  ‘un’havi forza, fa scilecca !
                              Ahh! Po capitari a tutti, forsi ‘un ci piasci a scecca !

                             Dutturi, u sceccu  vasci  arriedu , si stasci annichiliennu !
                             Sta calmu, sarà curpa  da scecca ca invesci u sta strudiennu !

                             Dutturi, u sceccu  perdi forza di pilu da mantella !
                             Uhmm! Bruttu signu ! ‘Un’è ca vinni l’ura, i fari a murtadella !

                             Dutturi, u sceccu da vucca  jetta forza i bavi !
                             Ma mu sa diri, stu sceccu, quantu cazzu d’anni havi ??

                             Dutturi, passaru già du misi ca iò vaiu sbattiennu,
                             e mentri tu va studiannu,.u sceccu u staiu pirdiennu !

                                 di Giovanni  Giardina         Lipari -02-03-2013-

Nessun commento:

Posta un commento

Nota. Solo i membri di questo blog possono postare un commento.