Niscìti tutti
quanti, figghi e
amici
niscìti ormai nun bastanu
li preci
sonàti tutti i campani,
sonàti forti
st’isuli ormai su cunnannati
a morti.
Currìti
puru i figghi
da luntànu
currìti cca’ a dàrini na
manu
è a mamma vostra
ca vi scerca
aiutu
sugnu sicuru ca ,‘un
v’atú scurdàtu.
I muorti puru i dda stannu a uardàri
‘un hannu vusci e
‘un ponnu parlàri
‘un hannu cchiù ripuosu
,‘un’hannu pasci
vidiennu l’isuli nostri ‘nta sta vrasci.
L’isuli su in agonia , stannu muriennu,
nuddu ci pensa, si nni stannu futtiennu
invesci i dari aiutu e guvirnàri,
continuanu a tartassàri ed affamàri .
‘Nta st’anni‘atu cummattutu cu li vienti
di corpa e
mari ‘atu prutiggiutu a genti
i tirrimota,
mai fannu disastru,
San
Martulu pi chistu è veru Mastru.
Giràti figghi mia da
chissu
munnu…
pi
st’isuli ca si nni st’hannu jennu
o funnu
L’isuli stannu
piniannu , pi mala sorti !
Sonàti tutti i campani ! Sonàti a
morti !
S’aggiranu i
to figghi p’aiutàri
caminu a scausa e tornu a priàri;
pi ora
ca vi staiu vidiennu in
agonìa !
Vi stati purtannu u
cori e a vita mia!
Nessun commento:
Posta un commento
Nota. Solo i membri di questo blog possono postare un commento.