Sciuri, sciuri ! classica siciliana in chiave moderna di Giardina Giovanni

Sciuri sciuri, sciuri  di  tuttu  l’annu:

chiddu chi c’era, ora u st’hannu livannu !

 Na vota  ti curavi,  tuttu  l’annu :

Ora u spitali u,  stannu  chiudennu!

Na vota  si viaggiava, sira e  matina :

E ora  mancu   un  juornu  alla simana !

Sciuri sciuri, sciuri di  tuttu l’annu :

partu di cca , e ‘un  sacciu  si ritornu!

Problemi ‘unn’ hannu  cchiu’ i  criminali :

Pirchi’ stannu  chiudennu  i  tribunali !

‘Un sacciu s’indovinu oppuru sbagghiu :

Ca stu Paisi e’, senza  travagghiu !

Sciuri sciuri, sciuri di tuttu l’annu :

l’attivita’, ormai  stannu falliennu !

C’e’ cu nni parla tantu, chinu i sdegnu :

C’e’ cu  nn’ha  fattu  fonti di  uadagnu !

Na vota c’era pani , pilu pi tutti :

E ora,  sulu  pi quattru  farabutti !

Sciuri sciuri, sciuri  di  tuttu l’annu:

‘Nta stu Paisi, spiranzi ‘un ci nni sunnu.

Ammatuli cerchi voti e fa programmi :

si gia’ in partenza sa, ca’un’ ha jammi !

Amara a ccu si fasci ‘mpapucchiari ;

Lustru di  paravisu  n’unni  vidi !

Sciuiri sciuri, sciuri di tuttu l’annu :

Tutti st’aumenti, nni stannu massacrannu!

Na vota  havi’a  sordi di cuntari :

e ora mancu chiddi, pi manciari 

‘Un chianciu ne pi sordi,ne pi diamanti :

Ormai  si li futtieru  tutti quanti !

Sciuri sciuri, sciuri  di  tuttu l’annu

Ormai ‘un ci  po’, mancu lu Patri Eternu 

Ammatuli  ca  t’alliffi  e  fa  cannola

Lu  Santu  e’  di  marmuru  e  nun  suda.

Sciuri  sciuri, sciuri  di  tuttu  l’annu,

Stu tribunali……ormai  nni  sta lassannu!

E  tiempi  mia  Tu, eri  na  quagghia

ora  si  arriddusciuta  un  parapigghia.

Sciuri  sciuri,  sciuri  di  tuttu  l’annu

Lipari gia’……..si  nni  sta jennu o funnu

Sciuri  di  rosi  russi  arrampicanti

Nu  simu  abbannunati  i  tutti  quanti.

Nun  scrivu  pi l’amuri e  ne  p’amanti,

io’  scrivu  pi  passarimi  lu  tiempu .

Sciuri sciuri, sciuri  di  tuttu  l’annu,

ormai v’aspettu a  tutti….. a  nn’autr’annu !