STU GOVERNU ! (di Giardina Giovanni ) 13 - 12 – 2011

                                                      Chi  voli  fari  stu  governu  nuovu ?

                                                      i  diebbiti  in Italia  voli   livàri

                                                     e  invesci  e  ricchi  di  falli  pagàri,

                                                    ‘nni  vonnu  fari  smettiri i manciàri.

                                                    C’era  bisognu  di  tutti  sti  scienziati,

                                                    pi  fari  a  spisa  chi  sordi  cuntati ?

                                                    Si  prima  ‘un  s’arrivava  a  fini  o  misi

                                                   ‘nni  levanu  i  causi  e i  cammìsi.

                                                   Chi  gran  pinsata  ebbi  Napolitanu !

                                                   ca  menti  sua  ’un’arrivoò  luntanu

                                                   pi  si  livàri  i  mienzu  a Berlusconi

                                                   si  iù a  pigghiò  i miegghi  alla  Bocconi

                                                   Ci  sta  pinsannu u  prufissuri  Monti

                                                   pi  fari  quatrari  tutti  quanti  i  cunti

                                                   ma  iò mu  mmagginava  di  partenza

                                                   ca  cunnannava  i  stissi  a  pinitenza

                                                   I  politici , ‘un  si  fannu   tuccàri,

                                                   tutti  i  banchieri , s’hannu  a  tutelàri,

                                                   all’evasori  s’hannu  a  ringraziàri

                                                   i  pensionati  l’hannu  a fari  piniàri.

                                                   Ma  intantu u  popolo  e’  sovranu,

                                                   ed  e’  chiamatu  u  primu  a  dari  l’anu,

                                                   è rispittatu  quannu   ‘avi  a  vutari

                                                   cu  veni  a  turnu,  veni  pi  ‘ncul…

                                                  ‘Un  fuoru  iddi  ca ‘nni  guvirnaru?

                                                  Cum’è  ca  tutti  i  sordi  scumparieru ?

                                                  Ora  c’hannu  bisuognu  di  miliuna

                                                  i  scercanu ‘nte  sacchietti  di  minchiuna ?

                                                   Ormai  i  viecchi  simu  pi  birsagghiu

                                                   i  figghi,  tutti  cercànu  travagghiu

                                                   e  mentri  iddi  s’ammuccànu  i  miliuni

                                                   v’aspetta  la  valigia  di  cartuni .

                                                   Ora ca  nni  missiru   i  scienziati ,

                                                   ci  dunanu  cchiù  sutta  e  disgraziati,

                                                   e mentri studianu  e  cchiù fannu  primura .

                                                  ‘nni  resta  sulu  di  chianciri  a  svintùra.