Simu a mari ! di Giovanni Giardina 1-12-2012

                                        Simu a mari  !

                                        E ‘un  sapimu  chiddu  c’amu a fari !

                                        Ora ci su i scadenzi , c’esti l’imu !

                                      “Sta vota  piddaveru  nni  ni  imu.”

                                      “Bon tiempu o malu tiempu ,

                                      ‘un dura sempri un  tiempu”

                                       A stati ormai finù, arriva  u ‘nviernu :

                                       nni  pò  sarvàri  sulu  u Patri Eternu !

                                        A forza di  sciruoccu, e di  punenti

                                        avìmu vogghia di, strinciri i dienti,

                                        so nni  livàmu  i carrichi  davanti,

                                        o juornu sarà sempri griecu e livanti .

                                        E ‘un  t’aspittàri nenti di stu Statu ,

                                        nni stà  tirannu a pedda e puru u sciatu,

                                        nù  sannu mancu  iddi c’annu a fari

                                        e continuanu  a tagghiàri e a tassàri !

                                        Iò ‘un ci spieru  cchiù co tiempu cancia

                                        finieru  i tiempi  i cu s’arrancia arrancia;

                                      ‘un sunnu  cchiù  i  tiempi di na vota  :

                                        campàmu  tra  timpurali  e  tirrimota !

                                         Nuautri, ca simu tutti genti  i mari ,

                                         sapìmu  ca ci su du cuosi  i fari :

                                    1)  O nni  pigghiamu  i  rimi e  vucàmu,

                                    2)  O nni  pigghiamu na mazzira e n’affucàmu !